Ճամբարակ քաղաքում ստեղծվել է ծնողավարության դպրոց
Ճամբարակ քաղաքում ,, Աստղացոլք,, ՀԿ-ն, Ph international հայաստանյան գրասենյակի աջակցությամբ, սկսել է իրականացնել մի նոր ծրագիր։ Այս անգամ այն ուղղված է երեխաների դաստիարակման հարցում 75 ծնողների կարողոթյունների հզորացմանը։
Նախատեսված են հետաքրքիր դասընթացներ ինչպես ծնողների, այնպես էլ 75 երեխաների/պատանիների համար։ Նրանք նման չեն լինելու մեր շահառուների ասած ,,տխուր,հոգնած,, դասընթացների, այլ լինելու են շատ ինտերակտիվ, ներառելու են բուռն քննարկումներ և խաղեր։
Ծրագրի մասնակիցները հնարավորություն կունենան նաև մասնակցելու ,,Կիկոսը ընտրում է ճիշտ ճանապարհը,, խորագրով ֆորում-թատրոնների բեմականացումներին։ Նրանք, ովքեր կուզենան մասնակցել՝ կարող են սկսել հետաքրքրվել այն մասին, թե ինչ ֆորմատով է ընթանում թատրոնի այդ տեսակը և լինել մեզ հետ ակտիվ կապի մեջ։
Եվս մեկ լավ լուր է այն, որ ստեղծվելու է ,,Ծնողների ակումբ,,, որի մասնակից ակտիվ ծնողները կփորձեն համախմբվել և միահամուռ ուժերով ուղղել իրենց ջանքերը երեխաների կյանքը ավելի երջանիկ դարձնելու ուղղությամբ։
Ծրագիրը կամփոփենք երեխաների իրավունքների պաշտպանությամբ զբաղվող կառույցների ֆորումով, որտեղ կքննարկենք համայնքում առկա խնդիրները և կմշակենք միջամտության պլան․
Ծրագիրը ֆինանսավորվում է Ամերիկայի Միացյալ Նահանգների Պետդեպարտամենտի կողմից։
Հետևե՛ք մեր գրառումներին և իմացեք ավելին ծրագրի մասին։
